кезекті міндет

(Последующая задача)

шабуылдағы бөлімшенің, бөлімнің таяудағы міндеттерінен кейін орындалатын жауынгерлік міндетінің бөлігі. К.м-ті әскерлердің келісімді іс-қимылына қол жеткізу және құраманың (бөлімнің) алдына қойылған жауынгерлік міндеттерін орындау кезектілігін қамтамасыз ету мақсатында жоғарғы командир қояды. К.м-тің мазмұны ұрыстың мәнісіне, бөлімнің (бөлімшенің) ұрыстық мүмкіндіктеріне, қарсыластың қорғанысы мен жергілікті жер сипатына және басқа да жағдайларға байланысты болады. К.м-ке белгіленген ауданда қарсыласты толық талқандау, шабуылды одан әрі дамыту және оның орналасқан шебін немесе объектісін алу қамтылуы мүмкін. К.м-ті орындау үшін, әдетте, ұрысқа екінші эшелон немесе қор енгізіледі. Қазіргі кезде құрамаларға К.м-тің орнына одан арғы міндет қойылады.